Imperayritz de la ciutat joyosa 

 Imperayritz de la ciutat joyosa, 
 De paradisis ab tot gaug eternal, 
 Neta de crims, de virtuts habundosa, 
 Mayres de Dieu per obra divinal. 
 Verges plasen, ab fas angelical, 
 Axi com sotz a Dieu molt graciosa, 
 Placaus estar als fizels piadosa, 
 Pergant per lor ai Rey celestiai. 

 		Verges ses par misericordiosa 
 		De vos se tany quens defenats de mal 
		 Et no siats devas nos endenyosa 
		 Pels fallimens que fem en general. 
 		Mas quens cubrats ab lo manto real 
 		De pietad pus quen ets cupiosa 
 		Car tots em fayts d¹avol pasta fangosa 
 		Per que¹l fallir es de carn humenal. 

 Rosa flagran de vera benenança 
 Fons de mercé iamays ne defallen. 
 Palays d¹onor on se fech l¹aliança 
 De deu e d¹hom per nostre salvamen. 
 E fo ver dieus es hom perfetamen. 
 Ses defallir en alcuna substança 
 E segons hom mon semes substança 
 E com ver dieus levech dei monime. 

 		Vexell de pats corons desperança 
 		Port de salut be seguir de tot den 
 		Vos merexets de tenir la balança 
 		On es pesat be dreytureramen 
 		E pesa maya vostre fil excellen 
 		Mort en la crots per nostra delivrança 
 		Quels peccats d¹om en fayt en cobejança. 
 		Ai be fidei confes e penidén. 

 Flor de les flors dolça ciement et pia 
 L¹angel de dieu vesém tot corrocat 
 E par que dieus lamentat qu¹ens alcia 
 Don ell es prest ab lestoch affilat 
 Donchos plaça vos que¹l sia comandat 
 Qu¹estoyg l¹estoch e que remes nos dia 
 Tot fallimen tro en lu presen dia 
 Ens done gaug e patz e sanitat 

 		Estel de mar qui lus perillans guia 
 		E'ls fay venir a bona salvetat 
 		Si Jesu Christ obehir no volia 
 		Co que per vos li sera supplicat 
 		Monstrars il els pits don l'avets alletat 
 		Et tots sants ab la gran jerarquia 
 		De paradis qui us faran companja 
 		Tot quan volrets vor er ben autreyat.